Sorkar thuchhuah tarlan danin, nimina Tlabunga I Kawtkaiah Sawrkar hun buatsaihah hian office hrang hrang - Deputy Commissioner, SDO(C)/BDO Tlabung, Agriculture, AH & Veterinary, EF&CC (Forest), FCS&CA (Supply), Health & Family Welfare, Horticulture, ICDS, P&E, PHED leh UD&PA te'n stall hawngin, awlsam zawka mipuite dawr theih turin an inpho chhuak a. Aadhaar siam ṭhat/siam thar, MGNREGS job card siam ṭhat/siam thar, ration card siam ṭhat, income/tribal/residential certificate pek chhuah, sawrkar scheme hrang hranga inziah luh, mihring leh ran hriselna dinhmun endikna, mipui hriat tur pawimawh inzirtirna leh mipuiin harsatna an thlenna hun te buatsaih a ni a. He'ng service hrang hrang chhawp chhuahte hi mi 215-in an chhawr ṭangkai a ni.